ესპანეთის პრემიერმინისტრმა, პედრო სანჩესმა განაცხადა, რომ ესპანეთის მთავრობა წყალდიდობით დაზარალებულ ვალენსიის რეგიონში დამატებით 5000 ჯარისკაცსა და 5000 პოლიციელს გაგზავნის.

იმის მიუხედავად, რომ წყალდიდობიდან მეოთხე დღე გავიდა, მაშველები ცხედრებს მანქანებსა და შენობებში ჯერ კიდევ ეძებენ — დაკარგულთა ზუსტი რაოდენობა კვლავ უცნობია.

ამ დროისთვის, სამძებრო-სამაშველო სამუშაოებში ათასობით მოხალისე, 2500 სამოქალაქო გუნდის წევრი, 2000 ჯარისკაცი და 1800 პოლიციელია ჩართული.

ბოლო მონაცემებით, ესპანეთში წყალდიდობას 205 ადამიანი ემსხვერპლა.