კოალიცია ძლიერი საქართველოს ერთ-ერთი ლიდერი ანა დოლიძე სოციალურ ქსელში სამოქმედო გეგმას აქვეყნებს.

"გეგმა:
1. არჩევნების საერთაშორისო არაღიარების მიღწევა.
2. საქართველოს და არა მხოლოდ საქართველოს უსაფრთხოების გრძელვადიანი დაცვა საერთაშორისო გამოძიებით ევროკავშირის და აშშ-ს მხრიდან და ამ გამოძიებისთვის მასალების მიწოდებით.
3. არჩევნების შედეგების გაუქმება.
სამართალი, დიპლომატია და პროტესტი. ბევრნი ვართ, მოგებულები ვართ და ეს ყველაფერი გამოგვივა.
ყველაფერი მშვიდობიანად, კანონიერად და გონივრულად," — წერს ანა დოლიძე FACEBOOK-ზე

შეგახსენებთ, დღეს, 31 ოქტომბერს 20:00 საათზე სამმა ოპოზიციურმა გაერთიანებამ ერთობლივი ბრიფინგი გამართა.

მათ ორშაბათს, 4 ნოემბერს რუსთაველის გამზირზე აქცია დააანონსეს და თქვეს, რომ წარმოადგენდნენ სამოქმედო გეგმას — 2024 წლის საპარლამენტო არჩევნების შედეგების დელეგიტიმაციის მისაღწევად.