თბილისის მერობის კანდიდატმა ალეკო ელისაშვილმა On.ge-სთან თქვა, რომ ჭავჭავაძის გამზირის 82 ნომერში მოჭრილი ხეების გამო გამწვანების სამსახურის უფროსს საკრებულოში დაიბარებენ:

"გამწვანების სამსახურის უფროსს ასე მარტივად არ შერჩება ეს ყველაფერი. აუცილებლად დავიბარებთ საკრებულოში და აუცილებლად მოუწევს მას ჩვენს კითხვებზე პასუხის გაცემა."

ელისაშვილი თქმით, ნებართვა გაცემულია 15 ხის მოჭრაზე, აქედან 8 უკვე მოჭრილია. მერის კანდიდატის თმით, ხეების მოჭრასთან დაკავშირებით მორატიურმი არჩევნებამდე უნდა ამოქმედდეს:

"ყველაზე ცინიკური ის არის, რომ ზუსტად დღეს ერთი წელი შესრულდა ყაზბეგის 22-ში ხეების მოჭრის დღიდან. მერიას 17 აგვისტო ხეების მოჭრის საერთაშორისო დღედ აქვს გამოცხადებული".

დღეს, 17 აგვისტოს ბაგებში მშენებლობის გამო 10-მდე საღი ხე მოიჭრა. თბილისის მერიის მტკიცებით, ნებართვა გაიცა 8 ხის მოჭრაზე და კომპანია იღებს ვალდებულებას, მოჭრილი ხეების სანაცვლოდ, დარგოს ხეები და მოაწყოს მწვანე სივრცე. 2016 წლის 1-ლ სექტემბერს თბილისის მერმა დავით ნარმანიამ ხეების მოჭრასთან დაკავშირებით მორატორიუმი გამოაცხადა. ნარმანიას ამბობდა, რომ მორატორიუმი გაგრძელდება მანამ, სანამ ხეების მოჭრასთან დაკავშირებით ახალი რეგულაციები არ იქნება შემოღებული.

პარტიზანული მებაღეობის იურისტი ვახტანგ სახოკია მერიაში განცხადების შესატანად მივიდა, რომელიც ხეების ჭრაზე გამოცხადებული მორატორიუმის დარღვევას უკავშირდებოდა. ამასთან, სახოკია მერიაში მანამ არ შეუშვეს, სანამ იურისტმა პატრული არ გამოიძახა.