26 ოქტომბრის არჩევნების შემდეგ, ლონდონის საფონდო ბირჟა პირველად დღეს გაიხსნა.

ბირჟის გახსნიდან, საქართველოს ბანკის აქციების ფასი 5.63%-ით, ხოლო TBC ბანკის კი 9.93%-ით დაეცა.

წინა კვირასთან შედარებით, ლონდონის საფონდო ბირჟაზე ორივე ქართული ბანკის აქციების ღირებულებამ 8.89%-ით დაიკლო. ცესკოს წინასწარი შედეგებით, საპარლამენტო არჩევნებში პირველ ადგილზე ხმების დაახლოებით 54%-ით მმართველი პარტია ქართული ოცნებაა. ოპოზიციურმა პარტიებმა და საქართველოს პრეზიდენტმა საპარლამენტო არჩევნების შედეგი არ აღიარეს. 28 ოქტომბერს პარლამენტის მიმდებარე ტერიტორიაზე აქცია გაიმართება.