გაერთიანებული სამეფო: ანგარიში ასახავს ადმინისტრაციული რესურსების ბოროტად გამოყენებას, ძალზე პოლარიზებულ გარემოს კამპანიის დროს, ასევე, მასშტაბურ დაშინებას და ამომრჩეველთა იძულებას

28 Oct. 2024, 13:11

"გაერთიანებული სამეფო მხარს უჭერს OSCE/ODIHR-ის წინასწარ მიგნებებს 26 ოქტომბერს გამართულ საპარლამენტო არჩევნებთან დაკავშირებით, სადაც სადამკვირვებლო მისიაში გაერთიანებული სამეფოდან 50-მა მოკლევადიანმა დამკვირვებელმა მიიღო მონაწილეობა.

ანგარიში ასახავს ადმინისტრაციული რესურსების ბოროტად გამოყენებას, ძალზე პოლარიზებულ გარემოს კამპანიის დროს. ასევე, მასშტაბურ დაშინებას და ამომრჩეველთა იძულებას. სამოქალაქო საზოგადოებაზე საქართველოს უცხო ძალის გავლენის გამჭვირვალობის კანონის გავლენასთან ერთად, ეს არ ასახავს ღია და დემოკრატიული საზოგადოების ქმედებებს და ეწინააღმდეგება საერთაშორისო სტანდარტებს.

საქართველოს ხელისუფლებამ უნდა გამოიძიოს ყველა დარღვევა და შეცვალოს დემოკრატიისგან გადახვევის კურსი. ჩვენ ამ პროცესს ახლოდან დავაკვირდებით ჩვენ საერთაშორისო პარტნიორებთან ერთად, მზად ვართ მხარდაჭერისთვის".

ბოლო ამბები: