სამართლიანმა არჩევნებმა (ISFED) საგანგებო ბრიფინგი გამართა და მათი დამკვირვებლების მიერ მოწოდებული ინფორმაციის შესახებ ისაუბრა. მათი თქმით, უბნების ნაწილი დარღვევებით გაიხსნა.

როგორც ISFED-ის ხელმძღვანელმა, ნინო დოლიძემ თქვა, ამომრჩევლების აღრიცხვის მიზნით, საარჩევნო უბნების მიმდებარედ კოორდინატორების მობილიზება შეინიშნება.

"საარჩევნო უბნების, დაახლოებით, 75 % იყო მზად პროცესის დასაწყებად, დანარჩენი უბნები კი შემდეგი 20 წუთის განმავლობაში, დარღვევებით გაიხსნა, ამასთან მარნეულში ერთი უბანი 9 -ის ნახევარზეც.

ჩვენს დამკვირვებლებს უბანზე შესვლის და გახსნის პროცესის დაკვირვების შესაძლებლობა ჰქონდათ, თუმცა ცალკეული უბნებზე არ დაუშვეს. ზოგი უბნიდან კი საერთოდ გამოაძევეს.

საარჩევნო უბნების მიმდებარედ კოორდინატორების მობილიზება შეინიშნება, რომლებიც ამომრჩევლებს აღრიცხავენ. ამ ეტაპისთვის 3 მოსყიდვის შემთხვევა გვაქვს“, — განაცხადა დოლიძემ.