სამოქალაქო აქტივისტი თამარ მეარაყიშვილი ახალგორში სამხრეთ ოსეთის დე ფაქტო რესპუბლიკის სამართალამცავებმა დააკავეს. ამის შესახებ ონლაინ გამოცემა ნეტგაზეთი წერს. მეარაყიშვილი ამავე გამოცემის ფრილანსერი ჟურნალისტია.

ნეტგაზეთთან საუბარში თამარ მეარაყიშვილის შვილი ჰყვება, რომ თამარს სახლთან ახლოს დახვდნენ, მას სამოქალაქო ტანსაცმელში გამოწყობილმა პირებმა განუცხადეს, რომ დაკავებულია და ახალგორის პოლიციის შენობაში შეიყვანეს.

მანამდე, 31 ივლისს, სამხრეთ ოსეთის დე ფაქტო რესპუბლიკის სამართალამცავებმა ჟურნალისტი დაკითხეს. ის ამბობდა, რომ მას არა საქმიანობასთან დაკავშირებულ კითხვებს უსვამდნენ, არამედ ცდილობდნენ, დაეშინებინათ.

თამარ მეარაყიშვილი ფეისბუკის საკუთარ გვერდზე და რუსულენოვან გამოცემა ეხო კავკაზასთან, რესპონდენტის სტატუსით რაიონის პრობლემურ საკითხებზე, მათ შორის ხელმძღვანელ პირთა ქმედებებზე წერს. ის ახალგორის რაიონის სახელით ხშირად მონაწილეობს საერთაშორისო ორგანიზაციების მიერ კონფლიქტური რეგიონებისა და ამ საკითხებზე გამართულ კონფერენციებში, რომლებიც თბილისში ან საქართველოს ფარგლებს გარეთ ეწყობა.

აღნიშნულ თემაზე On.ge სახელმწიფო უსაფრთხოების სამსახურიდან პასუხს ელოდება.