დღეს, 16 აგვისტოს, მორიგი სპეცოპერაცია ჩატარდა ქვემო ფონიჭალაში, რის შედეგადაც ნარკორეალიზაციის ბრალდებით კიდევ ერთი პირი დააკავეს. აღნიშნულის შესახებ ინფორმაცია On.ge-ის შინაგან საქმეთა სამინისტროში დაუდასტურეს.

ბოლო ხუთი დღის განმავლობაში, ის ფონიჭალაში დაკავებული მეხუთე პირია, ჯამში კი, სულ 6 პირი დააკავეს ამავე ბრალდებით.

12 აგვისტოს, 33 შეკვრა ჰეროინის შეძენა-შენახვის ბრალდებით ფონიჭალაში ძმები ჯაფაროვები დააკავეს.

14 აგვისტოს, ასევე ფონიჭალაში, სპეცოპერაციის შედეგად, ნარკოტიკების უკანონო შეძენა-შენახვისთვის ერთი პირი დააკავეს.

15 აგვისტოს სამი სპეცოპერაცია ჩატარდა. შსს-ს განცხადებით, რუსთავში დაკავებულის საცხოვრებლის ჩხრეკისას, 294 შეკვრად დაფასოებული ე.წ. ბიო ამოიღეს. იმავე დღეს, ფონიჭალაში ოთხი შეკვრა ჰეროინის გასაღების ბრალდებით დააკავეს ერთი ადამიანი. მოგვიანებით კი, დიდ დიღომში, აღმაშენებლის ხეივანში, კიდევ ერთი სპეცოპერაცია ჩატარდა ნარკორეალიზაციაში ბრალდებულის დასაკავებლად.