გაეროს მსოფლიო სასურსათო პროგრამის (WFP) დირექტორმა პალესტინის ტერიტორიებზე, ანტუან რენარმა, განაცხადა, რომ ღაზის სექტორში კვირა-ნახევრის სამყოფი სურსათის მარაგია დარჩენილი.

ანტუან რენარის განცხადებით, სურსათის მიწოდების მდგომარეობა ბოლოდროინდელი ბრძოლებისა და ჰუმანიტარული დახმარების ორკვირიანი შეზღუდვის გაუარესდა

რენარმა დააზუსტა, რომ ღაზის 400 ათასამდე მცხოვრები სურსათის მწვავე დეფიციტს განიცდის. ადგილობრივმა მოსახლეებმა გაზეთს განუცხადეს, რომ სურსათის მდგომარეობა ახლა ყველაზე მძიმეა უკანასკნელი ერთი წლის განმავლობაში.

ისრაელი უარყოფს მიწოდების შეზღუდვას და აცხადებს, რომ ღაზაში 50 სატვირთო მანქანა საკვები და მედიკამენტები იქნა ჩატანილი.

აშშ-ის თავდაცვის მინისტრმა ლოიდ ოსტინმა და სახელმწიფო მდივანმა ენტონი ბლინკენმა ისრაელის ხელისუფლებას წერილში მოუწოდეს, ყოველდღიურად 350 სატვირთო მანქანას მისცენ ჰუმანიტარული დახმარებით შესვლის ნება და გაზარდონ გამშვები პუნქტების რაოდენობა. წერილში ასევე ხაზგასმულია, რომ 30 დღის განმავლობაში ამ პირობების შეუსრულებლობამ შესაძლოა საფრთხე შეუქმნას ისრაელისთვის აშშ-ის სამხედრო დახმარებას. ამ მოწოდებას მალევე დაუჭირეს მხარი ჰუმანიტარულმა ორგანიზაციებმა.