ევროპის საბჭოს ინფორმაციით, 14 ოქტომბერს სტრასბურგში გამართულ 47-ე სესიაზე მიიღეს გადაწყვეტილება, რომ საქართველოში არსებული ვითარებიდან გამომდინარე გამართონ გადაუდებელი დებატები და მიიღონ ახალი დეკლარაცია. დებატები 15-17 ოქტომბერს გაიმართება.

ისინი აცხადებენ, რომ რიგგარეშე დებატების გამართვის მიზეზი საქართველოს დემოკრატიული უკუსვლა და ადამიანთა უფლებების შელახვაა.

"საქართველოში დემოკრატიული უკუსვლისა და ადამიანის უფლებების შესუსტების აშკარა ნიშნების გამო, ღრმა შეშფოთებით გამოწვეული დებატები ხუთშაბათს, 17 ოქტომბერს გაიმართება და დეკლარაციის მიღებით დასრულდება", — წერია ევროპის საბჭოს განცხადებაში.

ადგილობრივი და რეგიონული ხელისუფლების კონგრესი არის ევროპული პოლიტიკური ასამბლეა და წარმოადგენს ევროპის საბჭოს ორმოცდაექვს წევრ სახელმწიფოს.