შინაგან საქმეთა სამინისტროში აცხადებენ, რომ ფონიჭალაში ნარკოტიკული საშუალების უკანონო შეძენა-შენახვისა და გასაღების ბრალდებით, ერთი პირი დააკავეს.

შსს ამტკიცებს, რომ ბრალდებული ნარკოტიკულ საშუალებას სისტემატურად ყიდდა. უწყების განცხადებით, მათ ბრალდებულის მიერ მოქალაქისთვის მიყიდული, ოთხ შეკვრად დაფასოებული ჰეროინი ნივთმტკიცებად ამოიღეს.

გამოძიება საქართველოს სსკ-ს 260-ე მუხლის 1-ლი და მე-4 ნაწილებით მიმდინარეობს, რაც ნარკოტიკული საშუალების უკანონო შეძენა-შენახვასა და გასაღებას გულისხმობს.