მაროკოს მეტეოროლოგიური სააგენტოს ცნობით, სექტემბრის ბოლო ორი დღის წვიმამ სამხრეთ-აღმოსავლეთ მაროკოს არაერთ რეგიონში წლიურ საშუალოს გადააჭარბა და წყალდიდობა გამოიწვია. ქვეყნის დედაქალაქ რაბათიდან 450კმ-ით დაშორებულ ქალაქ ტაგუნიტში 24-საათიან პერიოდში 100მმ სისქის ნალექი დაფიქსირდა.

NASA-ს სატელიტურ ფოტოებზე წყლით სავსე ტბა ირიკი ჩანს, რომელიც 50 წლის წინ დაშრა.

"ბოლოს დროის ასე მოკლე შუალედში ამდენი წვიმა 30-50 წლის წინ მოვიდა", — განაცხადა მაროკოს მეტეოროლოგიური სააგენტოს თანამშრომელმა ჰუსინ იუაბებმა.

ფოტო: The Guardian

ასეთ წვიმებს რეგიონში კლიმატისა და ამინდის წლობით შეცვლა შეუძლია. ჰაერი ტენიანობას ინარჩუნებს, რაც აორთქლებას უფრო უწყობს ხელს და მეტ შტორმს იწვევს.

გასულ თვეში მაროკოში წყალდიდობას 18 ადამიანი შეეწირა — განსაკუთრებით მძიმე შედეგი იმ რეგიონებში დადგა, რომელიც 2023 წელს მიწისძვრამ დააზარალა.