ჰამბურგის ერთ-ერთ უბანში, მეორე მსოფლიო ომის დროინდელი ბომბი აღმოაჩინეს. გერმანიის სახანძრო სამსახურის წარმომადგენლებმა 300 მეტრიანი შესაძლო აფეთქების პერიმეტრიდან 5000-ზე მეტი ადამიანის ევაკუაცია მოახდინეს, ხოლო 500 მეტრის რადიუსზე მცხოვრებ ხალხს მოუწოდეს სახლიდან გამოსვლისგან თავის შეკავება, ასევე კარებისა და ფანჯრების ჩაკეტვა.

ადგილზე გამოძახებული სახანძრო განყოფილების ინფორმაციით, ბომბი დაწყებითი სკოლის ტერიტორიაზე სამშენებლო სამუშაოების დროს აღმოაჩინეს, ხოლო ამ დროისთვის ის განეიტრალებულია.

ბომბი მანამდეც, ერთი დღით ადრე, 11 სექტემბერს, კიოლნშიც აღმოაჩინეს და მალევე განახორციელეს მასიური ევაკუაცია. ამერიკული ბომბი კონტროლირებადი წესით აფეთქდა.