ვარსკვლავური გზის ვარსკვლავი ახალი საბავშვო წიგნის ავტორად მოგვევლინა, რომლის სახელწოდებაა — When Digz the Dog Met Zurl the Squirrel: A Short Tale About a Short Tail.

"წერის დიდი სტიმული და ხალისი იმაზე ფიქრმა მომცა, რომ ამ წიგნს ბავშვებს მშობლები წაუკითხავდნენ, რადგან მახსოვს, როცა პატარა ვიყავი რამდენად მიყვარდა წიგნები და მამას მუდმივად ვთხოვდი ჩემთვის წაეკითხა.

მიუხედავად იმისა, რომ მშობელი არ ვარ, ვერ გეტყვით, რამდენ მშობელს ვესაუბრე და მათ უბრალოდ ბავშვებისთვის X წიგნის უამრავჯერ წაკითხვა მოსწყინდათ და უინტერესო გახდა, ამიტომ გავიფიქრე: კარგი იქნება დავწერო ისეთი რამ, რაც მათ ამ სურვილს დაუბრუნებს და ისევ წაუკითხავენ შვილებს წიგნებს. ეს კოვიდის დროს მოხდა, მეგობართან ერთად სასეირნოდ გამოვედი, როდესაც ჩემი ძაღლი ციყვს დაედევნა. მეგობარმა მითხრა, არ მგონია რამე ამბავი მახსენდებოდეს იმაზე, თუ როგორ მისდევს ძაღლი ციყვს, არადა ეს ასეთი უნივერსალური ამბავია, განა ყველა ძაღლი არ მისდევს ციყვს? მე კი ვუპასუხე: ნამდვილად, სწორი შენიშვნაა.

მინდოდა დამეწერა და შემექმნა ისეთი რამ, რაც თითქოს უკვე 50 წელია არსებობს. ეს არის წიგნი, რომელიც აქტუალური იქნება ახლა, შეიძლებოდა აქტუალური ყოფილიყო 50 წლის წინ და აქტუალური იქნება 50 წლის შემდეგაც... და რაც მთავარია, ეს არის ამბავი, რომელსაც ძალიან მარტივი შინაარსი აქვს და მარტივად ასახსნელი იქნება ბავშვებისთვის. იმედი მაქვს, რომ მშობლები კითხვის პროცესით ისიამოვნებენ და ეს მათთვის სახალისო პროცესი იქნება",— განაცხადა People-თან ინტერვიუში კრის პაინმა.