პარლამენტის იურიდიულ საკითხთა კომიტეტის თავმჯდომარის, ეკა ბესელიას, განცხადებით, აუდიო ჩანაწერს, სადაც თითქოს უკრაინისა და საქართველოს შს მინისტრები მიხეილ სააკაშვილის ექსტრადიციის საკითხს განიხილავენ, სერიოზულად ვერ განიხილავს:

"ეს არ არის ის თემა, რომელიც შეიძლება იყოს სერიოზული განსჯის საკითხი და ასეთი შოუს და იუმორისტული სკეჩის ეპიზოდებით შეიძლება დაკავდეს ნებისმიერი ადამიანი. მე ამას არანაირ სერიოზულ მნიშვნელობას არ ვანიჭებ და ვერც მის ავთენტურობაზე ვისაუბრებ".

აღნიშნული ჩანაწერის ავთენტურობის შემოწმებას არ აპირებს საქართველოს პროკურატურა. უწყებაში On.ge-სთან ამ საკითხზე დამატებით კომენტარს არ აკეთებენ.

ორი დღის წინ, უკრაინულ მედიაში გავრცელდა აუდიო ჩანაწერი, სადაც თითქოს უკრაინისა და საქართველოს შინაგან საქმეთა მინისტრები მიხეილ სააკაშვილის ექსტრადიციის საკითხს განიხილავენ. მედიასაშუალება strana.ua-ის მტკიცებით, გიორგი მღებრიშვილი რუსმა პრენკერმა გაასულელა. პირი, რომელიც მღებრიშვილად არის წარმოჩენილი მიხეილ სააკაშვილს უცენზურო სიტყვებით მოიხსენიებს და ამბობს, რომ საქართველოში მის ექსტრადიციას არ მოითხოვენ.