ბექა ოდიშარია: მეამაყება ჩემი შვილი, მისი საქციელიც

5 Oct. 2024, 15:21

"გაავრცელეს ის ვიდეო, ჯერ რა უფლება ჰქონდათ? ბავშვებს მოუხადეს ბოდიში [გერმანელმა პოლიციელებმა] და დღეს, როცა იქექებოდნენ, არ ვიცი, მთავარი იყო თუ რადიო თავისუფლება, იქ უთხრეს, რომ ჩვენ არანაირი ინფორმაცია მაგ ხალხზე არ გვაქვსო. ე.ი. არაფერი არ დაუშავებიათ და ამიტომ არ აქვთ, ხო?

ეს ბავშვები მიდიოდნენ სტადიონზე ნაკრების საგულშემატკივროდ, გააჩერეს უმიზეზოდ, დაუწყეს ჩხრეკა, ჩემმა შვილმა უთხრა — უბრალო ტურისტი არ ვარო, რაც ნიშნავს, რომ მე ვარ ევროპაში მცხოვრები, მაქვს საბუთი სწავლის უფლების და ასე არიან დანარჩენი საზოგადოებაც, ამაში არ იყო ნაგულისხმევი, რომ რაღაც განსაკუთრებული ადამიანები, რასის წარმომადგენლები არიან.

მეამაყება ჩემი შვილი, მისი საქციელიც. Spiegel-ი კიდევ სამარცხვინოდ იქცევა, რომ ასეთი თითიდან გამოწოვილი თემა დადო YouTube-ზე, რაც გამოიყენეს ჩვენმა ფეიქ-არხებმა.

ბოდიში მოუხადეს, რომ შეეშალათ ვიღაც არაბებში და ასეთი დამოკიდებულება ქართულ პოლიციას სტუმრების მიმართ ნამდვილად არ აქვს. შემდეგ, ის არაბები დაიჭირეს თავისი რაღაც მოპარული ნივთებიანად და კადრებში ჩანს, რომ ეს ბიჭები წავიდნენ. რა თქმა უნდა, "ბოდიში" მოჭრეს და ეს არ განათავსეს, მაგრამ ჩანს, რომ ეს ახალგაზრდები საქართველოდან არაფერში დამნაშავე არ იყვნენ და წავიდნენ, ხელწერილიც კი არ დააწერინეს".

ბოლო ამბები:

ბექა ოდიშარია ბექა ოდიშარია: მეამაყება ჩემი შვილი, მისი საქციელიც

კომენტარები

კვირის ტოპ-5

გირჩევთ

ახლა კითხულობენ