ცნობილი მსახიობის, მეთიუ პერის ნარკოტიკის ზედოზირებით გარდაცვალებაში ეჭვმიტანილმა ექიმმა, მარკ ჩავესმა ბრალი აღიარა.

როგორც ცნობილია, Friends-ის ვარსკვლავის პირადი ექიმები და ლოს-ანჯელესის ცნობილი ნარკოდილერები ერთმანეთთან შეთანხმებით მოქმედებდნენ და მსახიობს დეპრესიის სამკურნალოდ ერთ-ერთ ძლიერ ნარკოტიკს, კეტამინს ურჩევდნენ, რაც საბოლოოდ მისი გარდაცვალების მიზეზი გახდა.

54 წლის ჩავესს საკუთარი კეტამინის კლინიკა ჰქონდა და ნარკოტიკის აბებს ექიმ სალვადორ პლასენსიას აწვდიდა, რომელიც შემდეგ მეთიუ პერის ამარაგებდა.

პროკურორების თქმით, პერის ასისტენტი, კენეთ ივამასა ამ ორ ექიმთან თანამშრომლობდა და სიკვდილამდე რამდენიმე დღით ადრე ამ სამმა პირმა მსახიობს $50 000-ზე მეტი ღირებულების კეტამინი მიაწოდა.

საბრალდებო დასკვნის თანახმად, ჩავესსა და პლასენსიას პირადი მიმოწერა ჰქონდათ, სადაც განიხილავდნენ, თუ რა თანხას გადაიხდიდა პერი ნარკოტიკის ფლაკონებისთვის. ერთ შეტყობინებაში ეწერა: „მაინტერესებს რამდენს გადაიხდის ეს დებილი“.

საპროცესო საჩივარი ჩავესს სასჯელის შესამსუბუქებლად დანაშაულის აღიარებისა და გამოძიებასთან თანამშრომლობის უფლებას აძლევს, თუმცა მას 10 წლამდე თავისუფლების აღკვეთა მაინც ემუქრება.

ჩავესი ერთ-ერთია იმ 5 ადამიანიდან, რომელსაც პერის სიკვდილამდე მიყვანაში ბრალი ედება. 54 წლის მსახიობი სამხრეთ კალიფორნიაში, თავის ჯაკუზიში გარდაცვლილი 2023 წლის ოქტომბერში იპოვეს.

იხილეთ ასევე: