წლევანდელ ემის დაჯილდოებაზე მსახიობ მეთიუ პერის პატივი მიაგეს და Friends-ის საუნდტრეკი I'll Be There For You შეასრულეს. დაჯილდოებაზე სიმბოლურად სიმღერა See You Again-ის ფონზე გასართობი ინდუსტრიის ყველა ის წარმომადგენელი გაიხსენეს, რომელიც 2023 წელს გარდაიცვალა.

სიტკომ Friends-ის მსახიობი და ჩენდლერის როლის შემსრულებელი, მეთიუ პერი 28 ოქტომბერს 54 წლის ასაკში გარდაიცვალა. ის ლოს-ანჯელესში, საკუთარ სახლში იპოვეს.

პერი მენტალური ჯანმრთელობის პრობლემებსა და ნარკო და ალკოჰოლდამოკიდებულებას წლების განმავლობაში ებრძოდა, რაზეც მან 2022 წელს გამოცემულ მემუარშიც Friends, Lovers, and the Big Terrible Thing ისაუბრა.

მსახიობი ნარკო და ალკოჰოლდამოკიდებულ ადამიანებს ეხმარებოდა კიდეც, რის გამოც მისი სიკვდილის შემდეგ მეთიუ პერის სახელობის ფონდი დაარსდა.

მეთიუს გარდაცვალებას Friends-ის ხუთეული საერთო განცხადებით გამოეხმაურა, რომელშიც ამბობდნენ, რომ ისინი ერთმანეთისთვის ოჯახი იყვნენ და მეგობრის დაღუპვით განადგურებულები არიან.

იხილეთ ასევე: