მეთიუ პერის გარდაცვალების საქმეზე ახალი დეტალები ირკვევა.

აშშ-ს პროკურატურამ ბრალდებულებს ტელეფონები, კომპიუტერები და სხვა ელექტრონული მოწყობილებები ჩამოართვა და მსახიობის ექიმებსა და ნარკოდილერს შორის პირადი მიმოწერა აღმოაჩინა, საიდანაც გაირკვა, რომ ისინი პერის "ჩენდლერს" და "ჭკუასუსტს" ეძახდნენ.

აღნიშნული პირები იმ ხუთ ბრალდებულს შორის არიან, რომელიც პროკურატურამ მეთიუ პერის სიკვდილზე პასუხისმგებლებად დააასახელა. 54 წლის მსახიობის გვამი გასული წლის ოქტომბერში საკუთარი სახლის ჯაკუზში აღმოაჩინეს.

მიმოწერებში ჩანს, რომ პერის ზურგსუკან ხუთივე ბრალდებული, მათ შორის კი მისი პირადი ექიმი მარკ ჩავეზი და "კეტამინის დედოფლად" წოდებული ნარკოდილერი ჯასვინ სანგჰა გეგმავდნენ, როგორ მიესაღებინათ მისთვის მაქსიმალურად ბევრი ნარკოტიკი. პროკურორები ამტკიცებენ, რომ სწორედ ამ ქმედებებმა გამოიწვია პერის ნარკოდამოკიდებულება, შემდგომში კი სიკვდილი.

ირკვევა, რომ $5000 დოლარის ღირებულების კეტამინის აბების მიწოდებისას ექიმმა პერის დამცირების მიზნით "ჩენდლერი", საკულტო სერიალ Friends-ში მის მიერ შესრულებული პერსონაჟის სახელი დაუძახა.

პროკურორების თქმით, სანგჰა ფლემინგს კეტამინის 1 ერთეულს $160-ად ყიდდა, ის კი პერის თითო ერთეულში $220-ს ართმევდა. ყოველ ტრანზაქციაში ფლემინგი დამატებით $500-ს იღებდა.