2 ოქტომბერს, საფრანგეთის პრეზიდენტმა, ემანუელ მაკრონმა ირანის მხრიდან ისრაელზე თავდასხმა მკაცრად დაგმო და დასძინა, რომ საფრანგეთის სამხედრო ძალები ახლო აღმოსავლეთში, ირანის მიერ შექმნილი საფრთხის გამო, მობილიზებულია.

ელისეს სასახლის ინფორმაციით, საფრანგეთის პრეზიდენტმა ლიბანურ დაჯგუფება ჰეზბოლას მოუწოდა, რომ “ისრაელისა და მისი მოსახლეობის წინააღმდეგ ტერორისტული ქმედებები შეწყვიტონ”.

"დღეს საფრანგეთმა ისრაელის უსაფრთხოების გასაძლიერებლად, ირანისგან წამოსული საფრთხის გამო ახლო აღმოსავლეთში თავისი სამხედრო რესურსები განათავსა" - წერია განცხადებაში.

ჯერ-ჯერობით არ არის დაზუსტებული, თუ რა სამხედრო რესურსებია მობილიზებული რეგიონში.

გაიგეთ მეტი:

ირანმა ისრაელის მიმართულებით ბალისტიკური რაკეტები გაუშვა