რამდენიმე წუთის წინ, შიმშილობის 30-ე დღეს, გიორგი ბიწაძის ჯანმრთელობის მდგომარეობა დამძიმდა და მისი დაუყოვნებლივ საავადმყოფოში გადაყვანა გახდა აუცილებელი, — ინფორმაციას ჟურნალისტი მარიამ ნიკურაძე სოციალურ ქსელში ავრცელებს.

"სიცოცხლით და იუმორით სავსე გიორგი ცუდად გახდა. ლაპარაკიც უჭირდა გასინჯვის დროს.

39 ქონდა შაქარი რომ გაუზომეს. ცოტა ხნის მერე უკონტაქტო გახდა. საავადმყოფოში გადაიყვანეს." — წერს ჟურნალისტი სოციალურ ქსელში.

აქციის მონაწილეები ჯორჯიან მანგანეზის საქმიანობის შედეგად სოფელ შუქრუთისთვის მიყენებული ზარალის ანაზღაურებას და პროცესში ცენტრალური ხელისუფლების ჩართვას ითხოვენ.