30 სექტემბერს გერმანიის პრეზიდენტმა ფრანკ-ვალტერ შტაინმაიერმა ბერლინში მიიღო საქართველოს პრეზიდენტი, სალომე ზურაბიშვილი.

შტაინმაიერი მიესალმება საქართველოს პრეზიდენტის პროევროპულ ნაბიჯებსა და პოზიციას, თუმცა მკაცრად აკრიტიკებს საქართველოს მთავრობას; გერმანიის პრეზიდენტი საქართველოს მთავრობის ბოლოდროინდელ გადაწყვეტილებებს სახიფათოს უწოდებს და რამდენიმე კანონს, განსაკუთრებით კი კანონს ე.წ "უცხოური გავლენის გამჭვირვალობის შესახებ" ევროინტეგრაციის გზაზე უკან გადადგმულ ნაბიჯად აფასებს.

"ფედერალურმა პრეზიდენტმა შტაინმაიერმა დღეს ბერლინში საქართველოს პრეზიდენტი სალომე ზურაბიშვილი მიიღო. საუბარში მან მადლობა გადაუხადა მას გამოკვეთილი პროევროპული პოზიციისთვის. ამასთან, მან სინანული გამოთქვა საქართველოს მიერ ევროკავშირში გაწევრიანების პროცესში უკან გადადგმული ნაბიჯების გამო" — წერია გერმანიის პრეზიდენტის ოფიციალურ FACEBOOK-ზე