რუსული პროპაგანდისტული მედია, RBC-ის ცნობით, რუსეთის პრეზიდენტმა ვლადიმერ პუტინმა ჯარში გაწვევის საშემოდგომო უწყებას მოაწერა ხელი. პრეზიდენტის ბრძანებით, ჯარში 133 ათასამდე მოქალაქეს გაიწვევენ.

ჯარში გაწვევას ექვემდებარებიან 18-დან 30 წლის ჩათვლით მოქალაქეები. ამასთან, რეზერვში გადაიყვანენ ჯარისკაცებს, მეზღვაურებს, სერჟანტებსა და მეთაურებს, რომელთა გაწვევის ვადა ამოიწურა. საშემოდგომო მობილიზაცია 2024 წლის 1 ოქტომბრიდან 31 დეკემბრის ჩათვლით გაგრძელდება.

მოქალაქეები, როგორც კი გაწვევის ცნობას მიიღებენ, იმავე წამს შეეზღუდებათ საზღვარგარეთ გადაადგილების შესაძლებლობა. ეს შეზღუდვა იქამდე იმოქმედებს, სანამ გაწვეული არ მიაკითხავს სამხედრო კომისარიატს, ან არ წარადგენს გადავადების საპატიო მიზეზის ცნობას.