26 სექტემბერს, მაქვს ვებერის ფონდის საქართველოს ოფისის მოწვევითა და ორგანიზებით, იუსტიციის სამინისტროს ეროვნული არქივის გენერალურმა დირექტორმა თეონა იაშვილმა გერმანიის ბუნდესარქივის ვიცე-პრეზიდენტს, ალექსანდრა ტიტცეს უმასპინძლა.

შეხვედრის მთავარი თემა დოკუმენტების დაცვის, დიგიტალიზაციის, რესტავრაციისა და ელექტრონული არქივების მიმართულებით გერმანული გამოცდილების გაზიარების შესაძლებლობა იყო. საუბარი შედგა სამომავლო თანამშრომლობის განმტკიცებაზეც.

ვიზიტის ფარგლებში სტუმარი ეროვნული არქივის მუშაობის სპეციფიკასაც გაეცნო, რესტავრაციის ლაბორატორიის საქმიანობას და დაათვალიერა ქართული საარქივო ფონდებში გერმანიის შესახებ დაცული დოკუმენტები.

ეროვნულმა არქივმა მაქს ვებერის ფონდის საქართველოს ოფისთან ურთიერთთანამშრომლობის მემორანდუმი 2024 წელს გააფორმა და სხვადასხვა სამეცნიერო თუ კვლევითი პროექტის ფარგლებში ითანამშრომლებს.