ჟურნალისტის კითხვაზე — "ამბობდით, ქართული ოცნების მოქმედი წევრებიც იქნებიან თქვენთან ერთად, როდის მოხდება მათი ვინაობის გასაჯაროება?", პარტია საქართველოსთვის ლიდერმა, გიორგი გახარიამ უპასუხა, რომ მათ ვინაობას საზოგადოება სულ მალე გაიგებს.

"სულ მალე. ხვალ ნახავთ სიაში ან მათ ნახავთ აღმასრულებელ ხელისუფლებაში, ბევრგან ნახავთ. ეს არის პოლიტიკური პროცესი... ჯერ მათ ვმალავთ, ჩვენ ამ ადამიანების უსაფრთხოებას ვუფრთხილდებით. ყველაფერი წინ გაქვთ, მოემზადეთ", — განაცხადა გახარიამ.

გიორგი გახარიას კომენტარს ინტერპრესნიუსი ავრცელებს.

შეგახსენებთ, რომ პარტიამ გახარია — საქართველოსთვის 2024 წლის საარჩევნო სია დღეს, 25 სექტემბერს წარადგინა.

გახარია საქართველოსთვის პირველი ნომერი ყოფილი პროკურორი ნათია მეზვრიშვილია. სიის სამეულში არიან: საერთაშორისო პოლიტიკის სპეციალისტი დიმიტრი ცქიტიშვილი და უშიშროების სფეროს სპეციალისტი კახაბერ ქემოკლიძე.

სიაში მე-9 ნომერია საქართველოს ნაკრების ფეხბურთელის, გიორგი ქოჩორაშვილის მამა — როინ ქოჩორაშვილი.

25-ეულში არიან ასევე: ზვიად ძიძიგური, ზაზა თავაძე, ანა ბუჩუკური, ბერდია სიჭინავა, როინ ქოჩორაშვილი, ბექა ლილუაშვილი, თეონა აქუბარდია, ლევან გოგიჩაიშვილი, გიგა ფარულავა, გელა აბულაძე, შალვა კერესელიძე, თამარ ხვედელიანი, ელგუჯა ხოკრიშვილი, ვიკა ფილფანი, კახა ნურალიძე, სოფო ხორგუანი, ჯემალ ანანიძე, რუსუდან თევზაძე, ქეთევან ბაკარაძე.

ამავე თემაზე:

გიორგი გახარიამ პარტია "საქართველოსთვის" პროგრამა და სიის პირველი 25 წევრი წარადგინა