სახელმწიფო კანცელარიასთან თბილისში დაკავებული აზერბაიჯანელი ჟურნალისტის, აფგან სადიგოვის მხარდამჭერი აქცია მიმდინარეობს.

მთავრობის კანცელარიასთან შეკრებილი ჟურნალისტები და სამოქალაქო აქტივისტები ითხოვენ, რომ დაკავებული ჟურნალისტის აზერბაიჯანში ექსტრადირება არ მოხდეს.

აფგან სადიქოვი azel.tv-ის მთავარი რედაქტორია, რომელიც თავდაუზოგავად იბრძვის სიმართლისთვის. ის აქტიურად წერს აზერბაიჯანში გამეფებულ კორუფციასა და მწვავე სოციალურ საკითხებზე, ხშირად აკრიტიკებს აზერბაიჯანის ავტორიტარულ ხელისუფლებას. ის ორჯერ იყო დაპატიმრებული აზერბაიჯანში პოლიტიკური მოტივებით. პატიმრობისას მან 242 დღე იშიმშილა და ჯანმრთელობის მდგომარეობა გაუუარესდა.
2023 წლის დეკემბერში სადიქოვი საქართველოში ჩამოვიდა მკურნალობისთვის. თუმცა, 2024 წლის 3 აგვისტოს იგი ექსტრადიციის მიზნით დააკავეს.