მშვიდობის მეორე კონფერენცია, რომლის ჩატარებასაც უკრაინა გეგმავს, რუსეთის მონაწილეობით უნდა გაიმართოს, — ამის შესახებ გერმანიის კანცლერმა ოლაფ შოლცმა გერმანულ ტელეარხ ZDF-თან ინტერვიუში განაცხადა.

"ვფიქრობ, ახლა დადგა მომენტი, როდესაც უნდა ვიმსჯელოთ იმაზე თუ როგორ გამოვიდეთ საომარი სიტუაციიდან და სწრაფად მივიდეთ მშვიდობისკენ. კიდევ ერთი სამშვიდობო კონფერენცია მნიშვნელოვანია და მე და [ვოლოდიმირ] ზელენსკი ვთანხმდებით, რომ ის რუსეთის მონაწილეობით უნდა ჩატარდეს", — თქვა შოლცმა.

სამიტის ჩატარების ზუსტი თარიღი და სხვა დეტალები შოლცს არ გაუსაჯაროებია.

უკრაინის მშვიდობის პირველი სამიტი შვეიცარიაში, ივნისში გაიმართა. მასში მონაწილეობა 90-ზე მეტი ქვეყნისა და ორგანიზაციის წარმომადგენელმა მიიღო.