ჭიათურიდან ჭორვილაში ჩასულ აქციის მონაწილეებს ივანიშვილის სახლთან მისვლის საშუალება არ მისცეს. სოფელ ჭორვილას შესასვლელში მობილიზებულმა პირებმა, სამართალდამცავებთან ერთად, სოფელ შუქრუთის მოსახლეობას სოფელში არ შეუშვა, რის გამოც ჭიათურიდან ჩასული აქციის მონაწილეები და ადგილობრივები ერთმანეთს სიტყვიერად დაუპირისპირდნენ.

შეგახსენებთ, რომ სოფელ შუქრუთის მოსახლეობა 165 დღეა კომპანია GM-ისგან დანგრეული სახლებისა და განადგურებული გარემოსთვის სამართლიან კომპენსაციას მოითხოვს.

მას შემდეგ, რაც სასამართლომ მათ კოროხნალის მაღაროსთან პროტესტი აუკრძალა, მოქალაქეებმა პროტესტის გაგრძელება ჭორვილაში, ივანიშვილის სახლთან გადაწყვიტეს, თუმცა დღეს მათ ამის საშუალება არ მიეცათ.