უკრაინის შეიარაღებულმა ძალებმა საკუთარი წარმოების რაკეტა-დრონი სახელწოდებით "პალიანიცა" ბრძოლის ველზე პირველად გამოიყენა. — ამის შესახებ უკრაინის პრეზიდენტმა ვოლოდიმირ ზელენსკიმ ქვეყნის დამოუკიდებლობის დღისადმი მიძღვნილ ღონისძიებაზე განაცხადა.

"დღეს ჩვენ ბრძოლაში პირველად და წარმატებულად გამოვიყენეთ ახალი იარაღი. ეს არის აბსოლუტურად ახალი კლასის იარაღი, უკრაინული რაკეტა-დრონი "პალიანიცა", — განაცხადა მან.

როგორც უკრაინის პრეზიდენტმა აღნიშნა, ამით ისინი რუსეთს სამაგიეროს უხდიან.

"რუსები რთულად გაიგებენ, რთულად წარმოთქვამენ, თუ რა მოფრინდა მათთან", — აღნიშნა ზელენსკიმ.

უკრაინა 24 აგვისტოს დამოუკიდებლობის დღეს აღნიშნავს.