ძიუდოს ფედერაცია ყოფილი სპორტსმენის, ვარლამ ლიპარტელიანის ქართულ ოცნებაში გაწევრიანებას Facebook -ზე გამოეხმაურა.

ფედერაციაში აღნიშნავენ, რომ ისინი ყოფილი სპორტსმენის პოლიტიკაში წასვლას მიესალმებიან.

"მივესალმებით ეროვნული ნაკრების ყოფილი კაპიტნის ვარლამ ლიპარტელიანის გადაწყვეტილებას კარიერის პოლიტიკაში გაგრძელების თაობაზე. დარწმუნებულები ვართ, რომ მისი ყოფნა უმაღლეს წარმომადგენლობით ორგანოში დადებითად აისახება არა მხოლოდ ძიუდოს და სპორტის, არამედ ზოგადად ჩვენი ქვეყნის განვითარებაზე." — ნათქვამია ძიუდოს ფედერაციის განცხადებაში.

შეგახსენებთ, ყოფილი ძიუდოისტი ვარლამ ლიპარტელიანი სამგორის რაიონში ქართული ოცნების დელეგატად არის წარდგენილი.