რუსეთის უშიშროების საბჭოს ყოფილი მდივანი, ამჟამად რუსეთის ფედერაციის პრეზიდენტის მრჩეველი და საზღვაო კოლეგიის თავმჯდომარე ნიკოლაი პეტრუშევმა, გამოცემა იზვესტიასთან ინტერვიუში თქვა, რომ "2008 წელს სააკაშვილის სამხედრო ავანტიურა" ამერიკის შეერთებულმა შტატებმა მოაწყო.

"სიცრუე და პროვოკაციები — ეს როგორც ვაშინგტონის, ისევე სხვა დასავლური ქვეყნების თანმდევია. 2008 წელს, სწორედ ამერიკელებმა მოაწყვეს სააკაშვილის სამხედრო ავანტიურის ორგანიზება, თუმცა ამტკიცებდნენ, რომ ამ თემასთან კავშირი არ აქვთ. საქართველოს საქმეებში აშშ-ის პირდაპირმა ჩარევამ გამოიწვია მისი შემადგენლობიდან აფხაზეთისა და სამხრეთ ოსეთის გასვლა. ვიმედოვნებ რომ ქართველმა ხალხმა იცის, რომ თავისი ტანჯვით ამერიკელების ქმედებების საფასურს იხდის", თქვა პატრუშევმა.

"სააკაშვილის ავანტიურა და გარე ძალების დაკვეთა" მმართველი პარტიის პოლიტსაბჭოს მიერ გაკეთებულ განცხადებებშიც არის ნახსენები. პირველი განცხადება 7 აგვისტოს, ხოლო მეორე 13 აგვისტოს გავრცელდა. ეს უკანასკნელი, გაეროში რუსეთის მუდმივი წარმომადგენლის მოადგილემ დმიტრი პოლიანსკიმ უშიშროების სხდომაზე წაიკითხა და ამ ჟესტით, რუსეთის 2008 წლის ქმედებების გამართლებას კიდევ ერთხელ შეეცადა.