საქართველოს ელჩი აშშ-ში, დავით ბაქრაძე ამბობს, რომ აშშ-ს ვიცე-პრეზიდენტის ვიზიტის დროს გაჟღერებული გზავნილები საქართველოსა და ამერიკას შორის მჭიდრო თანამშრომლობაზე მიუთითებს. ასე შეაფასა ბაქრაძემ აშშ-ს ვიცე-პრეზიდენტის, მაიკ პენსის ვიზიტი საქართველოში.

"ის დინამიკა, რომელიც გვაკავშირებს ახალ ადმინისტრაციასთან, მიუთითებს იმ მჭიდრო თანამშრომლობაზე, ახალ სტრატეგიულ პარტნიორობაზე და იმ პერსპექტივაზე, რომელიც გვაქვს ერთმანეთთან უსაფრთხოების სფეროში თანამშრომლობის, ეკონომიკური სავაჭრო კუთხით. ვფიქრობ, დღეს გადავშალეთ ორმხრივ ურთიერთობებში ახალი ფურცელი, რომელიც გვიხსნის მეტ შესაძლებლობებს რათა გავაღრმაოთ უკვე არსებული ძალიან მაღალი დონის სტრატეგიული თანამშრომლობა. " - ელჩი დავით ბაქრაძე, მაიკ პენსის ვიზიტის შესახებ.

მანამდე პენსმა საქრათველოს პრემიერ-მინისტრთან, გიორგი კვირიკაშილთან ერთად გამართა პრესკონფერენცია. პენსმა კვირიკაშვილთან ერთად გამართულ პრესკონფერენციაზე ყურადღება გაამახვილა საქართველო-ამერიკის სტრატეგიულ პარტნიორობასა და საქართველოს კულტურის სიმდიდრეზე.