ცხოვრების გამარტივების, კიდევ უფრო მეტი კომფორტის, ინოვაციების დანერგვის მიზნითა და მისიით 2013 წელს იტალიაში კომპანია Kettler დაარსდა და არსებობის ამ არც თუ ხანგრძლივ პერიოდში მომხმარებელზე შთაბეჭდილებაც მოახდინა და ნდობაც მოიპოვა.

ბრენდის პროდუქციის ჩამონათვალში შეგხვდებათ, მაგალითად, ონკანი, შემრევის ფილტრები და კარტრიჯები, სიფონი, საშხაპე სისტემა, რეზინის მილები, გაზის წყლის გამათბობლები და მოკლედ, ყველაფერი, რაც სამზარეულოსა თუ სააბაზანოში გვჭირდება.

რაც შეეხება ინოვაციებს, ძალიან საინტერესოა, მაგალითად, კეტლერის Extra silence ტექნოლოგია, რომელიც ონკანების უხმაურო მოხმარებას უზრუნველყოფს.

ბრენდის ასორტიმენტი მუდმივად ფართოვდება და აღნიშვნას იმსახურებს არა მხოლოდ ხარისხი, არამედ დიზაინიც - უსაზღვროდ დახვეწილი და ელეგანტური, რომელიც ნებისმიერი გემოვნების ადამიანს დააკმაყოფილებს.

საინტერესოა, რომ კომპანია მუდმივად მიისწრაფვის ტექნოლოგიური სიახლეების შემუშავებასა და მათ დანერგვაზე. ალბათ, ესეც გახლავთ იმის ერთ-ერთი მიზეზი, რომ კეტლერმა საკმაოდ მცირე დროში დიდი პოპულარობა მოიპოვა მთელი საქართველოს მასშტაბით.

კეტლერის გუნდი მუდმივად ითვალისწინებს არა მხოლოდ მომხმარებელთა, არამედ ჯანდაცვის თანამედროვე მოთხოვნებსაც, რაც ბრენდის პროდუქციას კიდევ უფრო საინტერესოსა და რაც მთავარია, უსაფრთხოს ხდის.

კიდევ ერთი ფაქტორი, რომელიც ხაზგასმას აუცილებლად იმსახურებს, პროდუქციის ღირებულებაა - კომპანია აწარმოებს პროდუქციას მრავალფეროვანი საფასო სეგმენტისთვის - ბრენდის კატალოგში შეხვდებით როგორც ხარისხიან და ხელმისაწვდომ, ისე პრემიუმ ხაზის პროდუქტს.

კეტლერის პროდუქციისა და სიახლეების გაცნობას ბრენდის ოფიციალურ ვებგვერდზე შეძლებთ, ხოლო შეძენას - ბრენდის პარტნიორ მაღაზიებსა და ჰიპერმარკეტებში მთელი საქართველოს მასშტაბით.