პარტია "ლელო", "ანა დოლიძე — ხალხისთვის" და მოძრაობა "თავისუფლების მოედანი" საარჩევნოდ გაერთიანდნენ
![](http://rachel.on.ge/2024/07/18/photo_2024-07-17_21-10-36.jpg)
ფოტო: მთავარი არხი
პარტია ლელო, ანა დოლიძე — ხალხისთვის და მოძრაობა თავისუფლების მოედანი 2024 წლის საპარლამენტო არჩევნებისთვის გაერთიანდნენ.
გაერთიანების პრეზენტაცია გუშინ, 17 ივლისს, ევროპის მოედანზე გაიმართა.
"26 ოქტომბრის არჩევნები წყალგამყოფია, ან ვიქნებით ჭაობში და ვიქნებით ოკუპანტის უღლის ქვეშ, ან ვიქნებით თავისუფალ სამყაროში ღირსეულად, იქ სადაც ჩვენი ქართველობა, ჩვენი მოქალაქეობა, ჩვენი დროშა და გერბი იქნება ძალიან მაღლა აწეული. ამისთვის ერთი რამაა საჭირო და ამას ჰქვია ერთობა", — განაცხადა მამუკა ხაზარაძემ, ლელოს ლიდერმა.
მისივე თქმით, მოლაპარაკებები მიმდინარეობს სხვა ოპოზიციურ პარტიებთანაც და უახლოეს მომავალში, კიდევ უფრო გაფართოებული წარდგებიან საზოგადოების წინაზე.
"ზუსტად სამი თვის წინ, აქ, რიყეზე შეკრებილმა სამასი ათასმა ადამიანმა და მათმა ოჯახებმა, პოლიტიკოსებს მოგვცეს ერთი დავალება — შეცვალეთ ხელისუფლება იმისათვის, რომ მოხდეს საქართველოს საბოლოო დეოკუპაცია და განხორციელდეს ქართველი ხალხის გეოპოლიტიკური არჩევანი", — აღნიშნა ანა დოლიძემ, გაერთიანების პრეზენტაციაზე.
მისივე თქმით, ყველა პარტიამ რაღაც დათმო, პოლიტიკური გემოვნება გვერდზე გადადო და გაერთიანდა: "ჩვენ ვართ განსხვავებულები, შეიძლება რაღაც საკითხებში აზრთა სხვადასხვაობაა, მაგრამ ეს სხვადასხვაობა არის ჩვენი ტრადიციების და ჩვენი კულტურის სიძლიერე".
ოპოზიციური გაერთიანებას შეუერთდა მომღერალი გიორგი უშიკიშვილიც: "დღეს ყველამ უნდა გადადოს თავისი ამბიციები და პირველ რიგში, ჩვენი ამბიცია უნდა უკავშირდებოდეს ჩვენი ქვეყნის ევროპულ მომავალს და სწორედ ამიტომ, მინდა ვთქვა, რომ ვდგები თქვენს გვერდით, რათა ჩემი, ჩემი შვილების და თქვენი შვილების მომავალი იყოს უკეთესი ჩვენს ევროპულ ოჯახში", — თქვა უშიკიშვილმა.
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
კომენტარები