საქართველოს პრეზიდენტმა, სალომე ზურაბიშვილმა იუსტიციის საბჭოს არამოსამართლე წევრად კახა წიქარიშვილი დანიშნა.

"თქვენ იცით, რომ პრეზიდენტს შეუძლია, ერთპიროვნულად მიიღოს ეს გადაწყვეტილება და დაადგინოს იუსტიციის უმაღლეს საბჭოში თავისი წარმომადგენელი, მაგრამ პრეზიდენტმა გამჭვირვალობის მიზნით, 21 ივნისს შექმნა შესარჩევი კომისია. კომისიამ დაამთავრა მუშაობა და წარმოუდგინა პრეზიდენტს ორი კანდიდატურა", — განაცხადა პრეზიდენტის საპარლამენტო მდივანმა, გიორგი მსხილაძემ დღეს, 15 ივლისს, ბრიფინგზე.

მსხილაძის თქმით, პრეზიდენტმა განკარგულება იუსტიციის საბჭოს არამოსამართლე წევრად კახა წიქარიშვილი დანიშვნის შესახებ დღეს გამოსცა.