ნახეთ ენდრიუ გარფილდი და ფლორენს პიუ ახალ ფილმში — ტრეილერი
![](http://ross.on.ge/2024/07/12/434334_6691408bce4a1.jpg)
ფოტო: A24
სულ მალე, ამ შემოდგომით, ახალ რომანტიკულ დრამა-კომედიას ვიხილავთ, თანაც — მონატრებული სახეებით (და ჩვენი საყვარელი ინგლისური აქცენტებით!) მთავარ როლებში. ფილმი, სახელწოდებით We Live in Time ("მომენტით ვცხოვრობთ"), რომელშიც ენდრიუ გარფილდი და ფლორენს პიუ თამაშობენ, ეკრანებზე 11 ოქტომბერს გამოვა.
რეჟისორ ჯონ კროულის ნამუშევარი მოგვითხრობს ალმუთსა და ტობაიასზე, რომლებიც ერთმანეთს უჩვეულო სიტუაციაში გაიცნობენ. ფილმის სიუჟეტი მიჰყვება წყვილის ურთიერთობას მომდევნო ათწლეულების განმავლობაში, მათი ოჯახური თანაცხოვრება კი ბევრი სირთულითა და მოულოდნელობითაა სავსე; "დროში შეზღუდულები ყოველი წუთის დაფასებას სწავლობენ", — ვკითხულობთ კინოსურათის აღწერაში.
We Live in Time-ის ოფიციალური ტრეილერი ახლახან გამოვიდა. მასში ვხედავთ, როგორ უყვებიან ალმუთი და ტობაიასი თავიანთ შვილს ერთმანეთის გაცნობის ამბავს: როგორ დაეჯახა ქალი მომავალ ქმარს მანქანით...
ფილმის სცენარის ავტორი ნეტფლიქსის გახმაურებული სერიალის, The Crown-ის, ერთ-ერთი შემქმნელი ნიკ პეინია, პროექტის აღმასრულებელ პროდიუსერად კი, არც მეტი, არც ნაკლები, ბენედიქტ კამბერბეჩი მოგვევლინა.
რაც შეეხება ენდრიუსა და ფლორენსს, გასული წლის მარტში გაირკვა, რომ ფილმის შემქმნელები მათთან მოლაპარაკებებს აწარმოებდნენ. იმავე თვეში მსახიობებმა ერთად წარადგინეს ჯილდო ოსკარზე, მალევე კი დადასტურდა, რომ ახალ კინოსურათში გარფილდი და პიუ მიიღებდნენ მონაწილეობას. We Live in Time-ის გადაღებები 2024 წლის აპრილში, ლონდონში დაიწყო, ცოტა ხანში კი გადასაღები მოედნიდან პაპარაცული ფოტოებიც გავრცელდა.
ფილმის პრემიერა სექტემბერში შედგება ტორონტოს საერთაშორისო კინოფესტივალზე, მაყურებელი კი მას ოქტომბრიდან იხილავს.
თუ ფილმები შენი ცხოვრების განუყოფელი ნაწილია და მათი განხილვაც გიყვარს, შემოგვიერთდი ჯგუფში ერთი ფილმიც და...
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
კომენტარები