რუსეთის სახელმწიფო სათათბიროს დეპუტატმა მოითხოვა რამდენიმე ადამიანის დასჯა, რომლებიც ყაბარდო-ბალყარეთში სახელმწიფო ჰიმნის მოსმენისას ფეხზე არ წამოდგა.

პარასკევს, ანდრეი კარტაპალოვმა, რომელიც თავმჯდომარეობს დუმის თავდაცვის კომიტეტს, გამოაქვეყნა კადრები, რომლებიც, სავარაუდოდ, ყაბარდო-ბალყარეთში სკოლის გამოსაშვებ ცერემონიაზეა გადაღებული. მასში ნაჩვენები იყო რამდენიმე დამსწრე, მათ შორის, ბავშვები, რომლებიც რუსეთის ჰიმნს მჯდომარედ უსმენდნენ. მოგვიანებით კარტაპალოვმა მედიის ინფორმაციაც მოიშველია, რომ ზოგიერთმა მათგანმა, ჰიმნის შესრულებისას, "ყურებზე ხელები აიფარა".

მან სამართალდამცავ ორგანოებს მოუწოდა, გამოიძიონ ვიდეო და დაისაჯონ ისინი, ვინც ჰიმნის დროს ფეხზე ადგომაზე უარს ამბობდა.

"მე გავუგზავნე მოთხოვნა შესაბამის ორგანოებს, განიხილონ ეს ფაქტი, რათა შეფასდეს მოწოდებული ინფორმაცია და მივიღოთ პროცედურული გადაწყვეტილება", — დაწერა მან Telegram-ზე.

კვირას კარტაპალოვმა კიდევ ერთი ვიდეო გამოაქვეყნა, რომელშიც ნათქვამია, რომ მათ შორის, ვინც ფეხზე არ წამოდგა ჰიმნის დროს, იყვნენ ჰიდროელექტროკომპანია RusHydro-ს დეპარტამენტის უფროსი, რუსეთის ძიუდოს ეროვნული ნაკრების მთავარი მწვრთნელის ცოლი, მთავარი ადგილობრივი დეველოპერის ცოლი.

მან აღნიშნა, რომ მის საჩივარს "ოპერატიულად უპასუხეს".

მიუხედავად იმისა, რომ ყაბარდო-ბალყარეთისა და რუსეთის საგამოძიებო ორგანოებს ჯერ არ დაუდასტურებიათ, მოჰყვება თუ არა ფაქტს რაიმე სახის დევნა, RusHydro-მ გამოაქვეყნა განცხადება, რომელშიც წერია, რომ მისმა ერთ-ერთმა თანამშრომელმა
"შეარცხვინა“ მთელი კომპანია.

"ყაბარდო-ბალყარეთის ფილიალის თანამშრომელმა შეურაცხყო კომპანია და შეურაცხყოფა მიაყენა ენერგეტიკის მუშაკთა 70 000-კაციან გუნდს, რომლებიც თავიანთი კეთილსინდისიერი შრომით უზრუნველყოფენ ურთულესი ობიექტების მუშაობას და ქვეყნის ენერგეტიკულ სუვერენიტეტს მთელი საათის განმავლობაში“, — ნათქვამია მათი განცხადება.

"კომპანიის მუშაკები ელიან, რომ თანამშრომელი საჯარო ბოდიშის მოხდას მოუხდის საზოგადოებასა და გუნდს და აუხსნის მისი არასათანადო ქცევის მიზეზებს, სკოლაში ოფიციალურ ღონისძიებაზე ეროვნული ჰიმნის საზეიმო შესრულებისას“.

ტელეგრამის არხმა Mash Gor, რომელიც აშუქებს კავკასიას, განაცხადა, რომ მშობლები, შეიძლება, დაჯარიმდნენ 2000-დან 3000 რუბლამდე (23-34 აშშ დოლარი).

სტატიაში წარმოდგენილი შეხედულებები ეკუთვნის ავტორს და არ წარმოადგენს On.ge-ის პოზიციას. მასალა ქვეყნდება OC Media-სთან პარტნიორობის ფარგლებში, რომლის შედეგად, გამოცემის სტატიები ამიერიდან ოთხ ენაზე გავრცელდება. საქართველოში OC Media-ს პარტნიორი On.ge-ა. სტატია ინგლისურად შეგიძლიათ წაიკითხოთ აქ.