ბრიტანეთს ახალი პრემიერ-მინისტრი ჰყავს. საპარლამენტო არჩევნებში კონსერვატორების დამარცხების შემდეგ, რიში სუნაკმა თანამდებობა დატოვა და ის გამარჯვებული პარტიის, ლეიბორისტების ლიდერმა, კირ სტარმერმა შეცვალა.

"ცვლილებები იწყება ამ მომენტიდან", — დაჰპირდა ის მხარდამჭერებს, ახალ თანამდებობაზე დანიშვნის შემდეგ.

მას შემდეგ, რაც გაიმართა ოფიციალური ცერემონიალი მეფე ჩარლზ მესამესთან, 61 წლის სტარმერი დიდი ბრიტანეთის მთავრობის ხელმძღვანელი ოფიციალურად გახდა და ახლა მას შეუძლია სამთავრობო უმრავლესობის ჩამოყალიბება.

უკვე ყოფილმა პრემიერმა, რიში სუნაკმა მხარდამჭერებს უთხრა, რომ პარტიის ისტორიული წაგების ტვირთს საკუთარ თავზე აიღებდა.

გაიგე მეტი: საპარლამენტო არჩევნების შედეგების გამოცხადების შემდეგ, რიში სუნაკმა თქვა, რომ თანამდებობას ტოვებს