რიში სუნაკმა თქვა, რომ ტოვებს როგორც ბრიტანეთის პრემიერ-მინისტრის, ასევე კონსერვატიული პარტიის ლიდერის თანამდებობას.

ამისი მიზეზი საპარლამენტო არჩევნებში მისი პარტიის დამარცხებაა.

"პირველ რიგში, მინდა ვთქვა, რომ ვწუხვარ”, — თქვა სუნაკმა და აღნიშნა, რომ მისთვის ძალიან სამწუხაროა, რომ მისმა ბევრმა კონსერვატორმა კოლეგამ დაკარგა ადგილი თემთა პალატაში.

კონსერვატიულმა პარტიამ 650-ადგილიან პარლამენტში, 250-მდე მანდატი დაკარგა, ლეიბორისტებმა კი 410-ზე მეტი ადგილი მოიპოვეს.

სუნაკი უკვე იმყოფებოდა ბუკინგემის სასახლეში, სადაც მეფეს შეხვდა. სასახლემ პრემიერ-მინისტრის გადადგომა უკვე დაადასტურა.

კონსერვატიულ პარტიას, რომელიც 14 წლის განმავლობაში დომინირებდა მთავრობაში, ახლა მოუწევს ლიდერის არჩევა, დაახლოებით, 121 კანდიდატს შორის.