ბიტკოინი, რომლის ისტორიაც 2008 წლიდან იწყება, თანამედროვე ფინანსური სისტემის უმნიშვნელოვანესი ნაწილია. ტექნოლოგიური სფეროს განვითარების პარალელურად, სავარაუდოა, რომ ბიტკოინი დროთა განმავლობაში სულ უფრო მეტი ადამიანის ცხოვრების ნაწილი გახდება.

მიუხედავად იმისა, რომ ბიტკოინი უკვე ძალიან პოპულარულია, საზოგადოებაში არსებული არასწორი წარმოდგენები და წინასწარგანწყობები არაერთ ადამიანს უშლის ხელს გადადგას პირველი ნაბიჯი და თავადაც გახდეს მისი მფლობელი.

ამ სტატიაში მოგიყვებით Cryptal-ისა და iPlus-ის ქეშბექ შეთავაზებაზე, რომლის მიზანიც ამ სტერეოტიპების დამსხვრევა და საქართველოში ბიტკოინისა და ზოგადად, კრიპტოს ადაპტაციაა.

პირველად საქართველოში, iPlus-მა მომხმარებელს ბიტკოინის ლოიალურობის პროგრამა შესთავაზა. ყოველ შენაძენზე ის ავტომატურად მიიღებს ბიტკოინს ქეშბექის სახით, რომელიც Cryptal-ის საფულეზე დაერიცხება.

რატომ არის ეს შეთავაზება განსაკუთრებული?

ბიტკოინი ერთადერთი აქტივია, რომელიც შექმნიდან დღემდე, დაახლოებით, 103000000%-ით არის გაზრდილი. მხოლოდ ბოლო ერთი წლის განმავლობაშიც კი მას 120%-იანი ზრდა ჰქონდა. შესაბამისად, iPlus-ის შეთავაზება არა უბრალოდ ქეშბექი, არამედ აქტივია, რომელიც გრძელ ვადაში მუდმივად გაიზრდება და პოტენციურად, ბევრად უფრო ღირებულია, ვიდრე დღევანდელი ქეშბექის ფასი.

გარდა ამისა, მომხმარებელს აქვს არჩევანის შესაძლებლობა. მას შეუძლია ბიტკოინი შეინახოს ან ლარში თუ პლატფორმაზე არსებულ სხვა ტოპ 30 კრიპტოში გადაცვალოს. ამისთვის კი Cryptal საუკეთესო საშუალებაა.

"ეს შეთავაზება დამატებითი სტიმულია, რომ ის ადამიანები, ვისაც ბევრჯერ უფიქრია ბიტკოინის ყიდვა, მაგრამ არ გაურისკავს, გახდნენ მისი მფლობელები. ასევე, გვინდა გაჩვენოთ, რომ ბიტკოინის ქონა არ არის დაკავშირებული ტექნიკურ ცოდნასთან და ნებისმიერ ადამიანს შეუძლია გახდეს კრიპტოს მფლობელი", — აცხადებენ Cryptal-ში.