დღეს, 27 ივნისს, საქართველოსა და ევროკავშირს შორის ასოცირების შესახებ შეთანხმების ხელმოწერიდან 10 წელი შესრულდა.

ევროკავშირის წარმომადგენლობა საქართველოში წერს, რომ საქართველოს მთავრობა ევროკავშირის გზას უნდა დაუბრუნდეს.

"ევროკავშირი საქართველოს მოსახლეობის ევროკავშირში მომავლისკენ სწრაფვას მტკიცედ უჭერს მხარს. საქართველოს ადგილი ევროკავშირშია, მაგრამ საქართველო ევროკავშირისკენ მიმავალ გზაზე წინ ვერ წაიწევს, თუ მოქმედების კურსი არ შეიცვლება", — წერია განცხადებაში.