მოკლედ: თბილისის მერია 9 აპრილის ქუჩის რეაბილიტაციას იწყებს.

  • ამის შესახებ თბილისის მერმა, კახა კალაძემ დღეს, 13 ივნისს, თბილისის მთავრობის სხდომაზე განაცხადა.

დეტალები: სარეაბილიტაციო სამუშაოები 15 ივნისს დაიწყება და ივლისის თვეში დასრულდება.

  • პროექტის ფარგლებში, შეიცვლება მიწისქვეშა კომუნიკაციები. ასევე, მიწისქვეშ მოეწყობა კაბელ-არხები, სადაც საჰაერო ელექტროსადენები განთავსდება, მოწესრიგდება ტროტუარები და სავალ ნაწილზე ასფალტის საფარი დაიგება.
  • გარდა ამისა, დამონტაჟდება გარე განათების ქსელი LED სანათებით.

კალაძის თქმით, რეაბილიტაციის დროს, 9 აპრილის ქუჩაზე მოძრაობა სრულად შეიზღუდება.

  • ამასთან, ზაქარია ჭიჭინაძის ქუჩაზე აიკრძალება ავტომობილების პარკირება და მოძრაობა შესაძლებელი იქნება ორმხრივად, ხოლო ჩიტაძის ქუჩაზე მოძრაობის მიმართულება შეიცვლება და მოძრაობა შესაძლებელი იქნება ჭონქაძის ქუჩის მიმართულებით.