"ამ დროისათვის დევდორაკის ხეობაში საფრთხის დონე მინიმალურია" — გარემოს ეროვნული სააგენტოს განცხადება
![](http://chandler.on.ge/2024/06/06/qazbegi_666189cf06d4d.jpg)
მოკლედ: გარემოს ეროვნული სააგენტოს ინფორმაციით, ამ დროისათვის დევდორაკის ხეობაში საფრთხის დონე მინიმალურია, წყლის დონე პირვანდელ ნიშნულს დაუბრუნდა და წყალმოვარდნები და ღვარცოფული პროცესები აღარ ფიქსირდება.
- სააგენტომ გზის გახსნის რეკომენდაცია გაიცა, ასევე, ამ დრომდე სპეციალისტები ადგილზე რჩებიან და ვითარებას აკვირდებიან.
რა მოხდა: დღეს, 08:36 საათზე, დევდორაკიდან შემოსული სასიგნალო შეტყობინების გამო, გამშვები პუნქტი "დარიალიდან" უსაფრთხო ადგილზე მოხდა ევაკუაცია საპატრულო პოლიციის, საბაჟო სამსახურის, სასაზღვრო პოლიციის და ყველა იმ კერძო კომპანიის თანამშრომლის, რომლებიც დასაქმებულები არიან გამშვებ პუნქტზე.
- პრევენციის მიზნით, სოფელ გველეთთან საავტომობილო გზა გადაიკეტა.
დეტალები: პირველადი შეფასებით დადგინდა, რომ ადგილი ჰქონდა მყინვარშიდა შეგუბებებს და გროტში დაგროვილი წყლების პერიოდულ გამოხეთქვებს, რასაც მოჰყვა ტალღების წარმოქმნა.
წყლის მაქსიმალურმა დონემ 4.50 მ-მდე მიაღწია, ხოლო სასიგნალო ზღვარი მდინარე დევდორაკზე 2 მეტრს წარმოადგენს.
- "მდინარე დევდორაკ-ამალისა და თერგის შეერთების უბანზე, გამოზიდვის კონუსში მოხდა თერგის ხანმოკლე შეგუბება, რამაც მოახდინა თერგის კალაპოტის შევიწროება და წყლის დონის მკვეთრი აწევა, თუმცა, ტბის ჩამოყალიბებას და ხეობის გადაკეტვას ადგილი არ ჰქონია", — წერს გარემოს ეროვნული სააგენტო.
- მათივე თქმით, ხეობის ვიზუალური დათვალიერების შედეგად, მყინვარსა და მის მიმდებარე ტერიტორიაზე არ შეინიშნება ფერდობების ჩამოშლა და კლდეზვავური პროცესების კვალი.
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
კომენტარები