მოკლედ: შინაგან საქმეთა სამინისტროს ინფორმაციით, 08:36 საათზე, დევდორაკიდან შემოსული სასიგნალო შეტყობინების გამო, გამშვები პუნქტი "დარიალიდან" უსაფრთხო ადგილზე მოხდა ევაკუაცია საპატრულო პოლიციის, საბაჟო სამსახურის, სასაზღვრო პოლიციის და ყველა იმ კერძო კომპანიის თანამშრომლის, რომლებიც დასაქმებულები არიან გამშვებ პუნქტზე.

  • რამდენად დიდია სტიქიის საშიშროება, ამის შესახებ უწყების განცხადებაში არ წერია.

დეტალები: შსს-ს ცნობით, უკვე აფრინდა სასაზღვრო პოლიციის ვერტმფრენი, რომელშიც იმყოფებიან გარემოს დაცვის ეროვნული სააგენტოს თანამშრომლები და გეოლოგები.

  • პარალელურად, პრევენციის მიზნით, სოფელ გველეთთან საავტომობილო გზა გადაიკეტა.
  • მოძრაობა შეზღუდულია ორივე მიმართულებით ყველა სახის ავტოსატრანსპორტო საშუალებისთვის.