თიბისი IT აკადემია, ყველაზე მოთხოვნადი კურსების გავლას, უფასოდ სთავაზობს მათ, ვინც ფიქრობს, რომ განათლებით საკუთარი ამბის შექმნა შეუძლია.

16 ივნისიდან, თიბისი IT აკადემიაში რეგისტრაცია იწყება ოთხ მოთხოვნად ტექნოლოგიურ მიმართულებაზე:

პროგრამები განკუთვნილია, როგორც დამწყები ენთუზიასტებისთვის, ისე გამოცდილი პროფესიონალებისთვის, რომლებსაც სურთ კომპეტენციის გაუმჯობესება თანამედროვე ტექნოლოგიებში. რეგისტრაციის პროცესი გაგრძელდება 26 ივნისის ჩათვლით, ხოლო 27 ივნისს მიღება კიდევ ერთ კურსზე (Android Development) გაიხსნება.

აკადემიის კურსებზე მოხვედრა შეუძლია ნებისმიერ მსურველს, რომელიც არის 18 წლის ან მეტის და აკმაყოფილებს კონკრეტული კურსისთვის დაწესებულ წინაპირობებს. დეტალური ინფორმაცია კურსების წინაპირობების შესახებ გთხოვთ, იხილოთ ბმულზე.

თიბისი IT აკადემიის ონლაინ სწავლების ფორმატი ხარისხიან ტექნოლოგიურ განათლებას ხელმისაწვდომს ხდის მთელი ქვეყნის მასშტაბით და აქტიურად უწყობს ხელს რეგიონების IT ეკოსისტემის განვითარებას. კურსების ხანგრძლივობა სამიდან ექვს თვემდეა. ინდუსტრიის წამყვანი ტექ-ლიდების მენტორობით სტუდენტები სწავლობენ და ეცნობიან რეალური სამუშაო გარემოს მოთხოვნებს. ასეთი მიდგომა უზრუნველყოფს, როგორც ტექნიკური, ისე ჰუმანიტარული უნარების განვითარებას, ხოლო წარმატებულ კურსდამთავრებულებს ეძლევათ შესაძლებლობა დასაქმდნენ, როგორც თიბისი ჯგუფში, ისე წამყვან ტექნოლოგიურ ორგანიზაციებში.

თიბისი IT აკადემია განაგრძობს ქვეყნის ტექნოლოგიური ეკოსისტემის გაძლიერებასა და ხარისხიანი განათლების ხელმისაწვდომობის ზრდას. ეს უნიკალური შესაძლებლობაა ახალი პროფესიის დაუფლების ან არსებული პროფესიული კომპეტენციის ამაღლებისთვის.