მოკლედ: თბილისის მერის, კახა კალაძის თქმით, საკუთარ თავს არ აკადრებს, რომ ფეხბურთელები პოლიტიკაში შემოიყვანოს და პოლიტიკური განცხადებები აკეთებინოს.

  • "ცხოვრებაში არასდროს მიკადრია, ვიღაცისთვის დამერეკა, მეთხოვა მხარდამჭერი განცხადება გაეკეთებინა, ან რაც ჩემთვის საწინააღმდეგოა, იმის აღება მომეთხოვა", — განაცხადა კალაძემ დღეს, 6 ივნისს, მედიასთან კომენტარში.

დეტალები: კალაძის თქმით, მას საქართველოს ეროვნული ნაკრების ფეხბურთელთან, ბუდუ ზივზივაძესთან ძმაკაცური ურთიერთობა არ აქვს, თუმცა, ნაკრებში არიან ფეხბურთელები, ვისთანაც უფრო ახლო მეგობრული ურთიერთობა აქვს:

  • "ვერცერთი მათგანი ვერ იტყვის, რომ მე ვინმესთვის რაიმე მითხოვია — პოლიტიკური მხარდაჭერა, არჩევნების დროს მხარდაჭერა".

კონტექსტი: გუშინ, 5 ივნისს, "ჯაფარას პოდკასტში" ბუდუ ზივზივაძემ განაცხადა, რომ ძალიან დამთრგუნველია ერთ კაცს ათი კაცი რომ ურტყამს და როდესაც სპორტსმენი ხარ და გაქვს შესაძლებლობა, "რაღაც გვერდში დგომა მაინც უნდა ანახო იმ ხალხს, რომელიც დაიჩაგრა".

  • მოგვიანებით, მედიასაშუალებების ნაწილმა, მისი თხოვნით, ციტატები წაშალა.
  • ზივზივაძის განმარტებით, ეს ეხება მოახლოებული ჩემპიონატის წინ დამატებითი ემოციებისა და აჟიოტაჟის თავიდან აცილების სურვილს