მოკლედ: შინაგან საქმეთა სამინისტროს ინფორმაციით, ორი პირის მიმართ დამამძიმებელ გარემოებაში ჩადენილი განზრახ მკვლელობის ბრალდებით, 44 წლის კაცი დააკავეს.

  • დანაშაული 16-დან 20 წლამდე ან უვადო პატიმრობას ითვალისწინებს.

დეტალები: გამოძიებით დადგინდა, რომ ბრალდებულმა თბილისში, ყოფით თემაზე არსებული კონფლიქტის ნიადაგზე, მეზობლად მცხოვრებ პირს და მის მეგობარს, თოფიდან რამდენიმე გასროლით ჭრილობები მიაყენა.

  • დაზიანებების შედეგად ორივე მათგანი შემთხვევის ადგილზე გარდაიცვალა.
  • პოლიციამ ბრალდებული ცხელ კვალზე დააკავა.
  • სამართალდამცველებმა დანაშაულის ჩადენის იარაღი ნივთმტკიცებად ამოიღეს.