რა ხდება: საქართველოს საგარეო უწყება ლიეტუვის ელჩის დაბარებასთან დაკავშირებით ინფორმაციას ავრცელებს.

  • სამინისტროს ინფორმაციით, ანდრიუს კალინდრა საქართველოში მიმდინარე პროცესებსა და რუსულ კანონთან დაკავშირებით, ლიეტუვის მხარის პოზიციასა და ქმედებების შესახებ სასაუბროდ დაიბარეს.

დეტალები: "საქართველოს მხარემ ელჩს განუმარტა, რომ ლიეტუვის ოფიციალური პირების მიერ ბოლო პერიოდში გაკეთებული განცხადებები, ისევე როგორც საპროტესტო აქციაზე ლიეტუვის საგარეო საქმეთა მინისტრის მონაწილეობა, ასევე გამჭვირვალობის შესახებ კანონის მიღების გამო ლიეტუვის საგარეო საქმეთა სამინისტროში საქართველოს ელჩის დაბარება წარმოადგენს ქვეყნის შიდა საქმეებში უხეში ჩარევას და არ შეესაბამება ორ ქვეყანას შორის ტრადიციულად არსებულ მეგობრულ და პარტნიორულ ურთიერთობებს", — წერია საგარეო უწყების განცხადებაში.

  • ასევე, მათივე ცნობით, შეხვედრაზე, მხარეებმა გამოთქვეს ორ ქვეყანას შორის ურთიერთობების პოზიტიურ დღის წესრიგში დაბრუნების იმედი და გამოითქვა მზაობა ორი ქვეყნის საგარეო საქმეთა სამინისტროებმა განაგრძონ თანამშრომლობის მიმდინარე დღის წესრიგზე მუშაობა.

გაიგე მეტი: რა თქვა ლანდსბერგისმა რუსთაველის გამზირზე მიმდინარე აქციაზე, სიტყვით გამოსვლისას