რა ხდება: საქართველოს საგარეო საქმეთა სამინისტროში ლიეტუვის ელჩი ანდრიუს კალინდრა დაიბარეს.

  • ინფორმაციას პირველი არხი ავრცელებს.

დეტალები: ანდრიუს კალინდრა შეხვდება სამინისტროს ევროპის დეპარტამენტის დირექტორს, გია ზურაბაშვილს.

  • წინასწარი ინფორმაციით, საუბარი შეეხება ლიეტუვის საგარეო საქმეთა მინისტრის, გაბრიელიუს ლანდსბერგისის საქართველოში ვიზიტს და რუსთაველის გამზირზე გამართულ აქციაზე მის სიტყვით გამოსვლას;

ამასთან, პირველი არხის ცნობით, რუსულ კანონთან დაკავშირებით ლიეტუვის საგარეო უწყებაში დაიბარეს საქართველოს ელჩიც და კალინდრასთან საუბარი ამ საკითხსაც შეეხება.

  • საგარეო საქმეთა სამინისტროში შესვლამდე ანდრიუს კალინდრას მედიასთან კომენტარი არ გაუკეთებია.

გაიგე მეტი: რა თქვა ლანდსბერგისმა რუსთაველის გამზირზე მიმდინარე აქციაზე, სიტყვით გამოსვლისას