მოკლედ: გაეროს ბავშვის უფლებების კომიტეტის (CRC) შეფასებით, რუსული კანონი ნეგატიურად იმოქმედებს საქართველოში ბავშვთა უფლებების დამცველი ორგანიზაციების მუშაობაზე და სახელმწიფოს მოუწოდებს, გააუქმოს რუსული კანონი.

  • ინფორმაციას ახალგაზრდა იურისტთა ასოციაცია (საია) ავრცელებს.

რა მოხდა: საია წერს, რომ 2024 წლის 15 აპრილს, გაეროს ბავშვის უფლებების კომიტეტს წარუდგინეს დოკუმენტი, სადაც ასახულია საქართველოში არსებულ გამოწვევები, ბავშვის უფლებებთან დაკავშირებით როგორც კანონმდებლობაში, ასევე, პრაქტიკაში.

ანგარიში მოიცავს შემდეგ საკითხებს:

  • ბავშვთა ხელმისაწვდომობა მართლმსაჯულებაზე;
  • ბავშვების მიმართ განხორციელებული სექსუალური ძალადობა, მათ შორის, შშმ ბავშვების მიმართ;
  • ბავშვთა ადრეული ქორწინება;
  • ბავშვთა სასკოლო და სკოლამდელი განათლება, მათ შორის, ინფორმაცია საქართველოს ეფექტიან კონტროლის მიღმა (აფხაზეთი, ცხინვალი, სამხრეთ ოსეთი) ტერიტორიაზე არსებულ საგანმანათლებლო პროგრამებზე;
  • სახელმწიფო ზრუნვის ქვეშ მყოფი ბავშვების მდგომარეობა;
  • ბავშვთა შრომა და ეკონომიკური ექსპლუატაცია;
  • ქუჩაში მყოფი ბავშვების უფლებრივი მდგომარეობა.

გარდა ამისა, საიამ კომიტეტს წარუდგინა ინფორმაცია რუსულ კანონზე, რომელიც, მათი თქმით, წარმოადგენს მნიშვნელოვან დაბრკოლებას სახელმწიფოს მიერ ბავშვის უფლებათა კონვენციის ეფექტიანი შესრულებისათვის:

  • "ეს კანონმდებლობა პირდაპირ ძირს უთხრის სამოქალაქო საზოგადოებისა და მედიის მშვიდობიან არსებობას საქართველოში".
  • საიამ მოუწოდა ბავშვის უფლებათა კომიტეტს, თავისი მანდატის ფარგლებში განიხილა ეს საკითხი.

ბოლო ხაზი: გაეროს ბავშვის უფლებების კომიტეტის ფუნქციაა შეაფასოს, რა ზომებს იღებს ბავშვის უფლებების შესახებ, კონვენციის წევრი სახელმწიფო, აღნიშნული საერთაშორისო ხელშეკრულებით ნაკისრი ვალდებულებების შესასრულებლად.